Првиот македонски Европски дигитален иновациски хаб (ЕДИХ), познат како ИНОФЕИТ ЕДИХ, започна со мрежно поврзување со ЕДИХ-овите од Западен Балкан и регионалните од ЕУ. За нас е задоволство да се поврземе со колегите и да научиме од нивните искуства. Посебна благодарност до EDIH Adria за нивната гостопримливост и до Регионалниот совет за соработка (RCC) за нивната проактивна улога во поддршката на иновациската сцена на Западен Балкан.
Центарот за технологии и иновации ИНОФЕИТ и неговите партнери здружени под капата на ИНОФЕИТ ЕДИХ обезбедија финансирање до крајот на 2028 година од програмата за Дигитална Европа. ИНОФЕИТ ЕДИХ има за цел да го трансформира македонскиот иновациски екосистем. Оваа иницијатива собира импресивен конзорциум кој вклучува три јавни универзитети, две стопански комори, најголемите македонски ИКТ компании и влијателни акцелератори и инкубатори.
Како прв Дигитален иновациски хаб (ДИХ) во С. Македонија, а сега и како прв ЕДИХ во земјата, ИНОФЕИТ ЕДИХ е горд што е лидер во иновациите. Ние сме посветени на создавање на средина која поддржува технолошки напредок и претприемачки развој, осигурувајќи дека С. Македонија останува на чело на дигиталната трансформација во регионот.
