Со задоволство информираме дека официјално е објавен Отворениот повик за INNOVABLUE CHALLENGE – BLUE INNOVATION TEAMS, организиран од Interreg ADRION проектот INNOVABLUE во кој ФЕИТ е проектен партнер, а ИНОФЕИТ е асоцијативен партнер.
На INNOVABLUE Challenge очекуваме да се поврзат истражувачи, иноватори, инженери и претприемачи со реални потреби на пазарот – мали и средни претпријатија, јавни институции, пристаништа,еколошки организации и корисници на технологии.
Избраните тимови ќе имаат можност да:
– учествуваат на меѓународни хакатони,
– соработуваат со релевантни чинители и инвеститори,
– се натпреваруваат за признанието BLUE CHAMPIONS, односно проекти со силен потенцијал за трансфер на технологии и реална примена.
ГЛАВНА ЦЕЛ НА ПОВИКОТ е избор на 30 мултидисциплинарни тимови (15 по хакатон) кои ќе ги доразвиваат своите решенија преку структурирана хакатон програма.
КЛУЧНИ ДАТУМИ:
– Отворање на повикот: 26 февруари 2026
– Краен рок за аплицирање: 31 март 2026 (12:00 часот)
– Објава на резултати од селекција: мај 2026
– Хакатон 1: Скопје, 30 јуни – 2 јули 2026
– Хакатон 2: Шибеник, 15 – 17 септември 2026 (дополнително ќе се потврди)
Ги повикуваме сите заинтересирани тимови да се пријават и да станат дел од оваа меѓународна иницијатива која ги поврзува иновациите со реалните предизвици на сината економија.
Повеќе информации и аплицирање:
https://mairos.org/news/innovablue-challenge-open-call-for-blue-innovation-teams/
