На 4 септември 2026 година, на Плаошник, нашиот дипломиран инженер Огнен Пендаровски свечено го прими престижното признание „Инженерски прстен“, кое се доделува на најуспешните млади инженери. Овој значаен настан се одржува под покровителство на Претседателот на државата, во организација на Инженерската институција на Македонија и Комората на овластени архитекти и инженери.
Годинава, по 23 пат, ова признание беше врачено на вкупно 14 најдобри дипломирани студенти од државните универзитети: „Св. Кирил и Методиј“ – Скопје, „Св. Климент Охридски“ – Битола, „Гоце Делчев“ – Штип и Државниот универзитет – Тетово.
Упатуваме искрени честитки до сите добитници, а особено сме горди на нашиот Огнен Пендаровски, на кој му посакуваме уште многу успеси и блескава инженерска кариера.
