IKNOW системот за пријавување во првиот уписен рок е отворен.
Пријавувањето на кандидатите за упис на Факултетот за електротехника и информациски технологии во учебната 2020/2021 година во првиот уписен рок ќе се врши од 30.9 – 15.10.2020 година.
Пред пријавувањето во роковите утврдени со Конкурсот, секој заинтересиран кандидат треба да се регистрира на www.upisi.ukim.mk и да ја пополни електронската пријава од iKnow-системот.
Бројот којшто кандидатот автоматски го добил од системот за електронското пријавување треба да се внесе и во пријавата што се поднесува при пријавувањето за запишување.
Пријавувањето на кандидатите се врши електронски, со испраќање на електронската пошта
(upisi-feit@ukim.edu.mk) и дополнително прикачување на скенираните документи на последниот чекор во електронската пријава од iKnow-системот.
Во предмет (Subject) на електронската пошта, кандидатите го наведуваат бројот што автоматски им го генерирал системот за електронско пријавување.
