Факултетот за електротехника и информациски технологии при Универзитетот „Св. Кирил и Методиј“ во Скопје, доби признание за придонес во развојот на дигиталните вештини на традиционалната годишна Валоризациона конференција, одржана на 20.12.2023 во организација на Националната агенција за европски образовни програми и мобилност. Признанието беше доделено за успешното спроведување на проектот UbiLAB. Платформата UbiLAB е пример за успешна реализација на лабораториски вежби достапни од далечина, со примена на напредни технологии како: системи за работа во облак, техники за Интернет на нешта, проширена реалност. На годинешната конференција, проектот беше презентиран од раководителот на проектот, проф. д-р Марија Календар.
