Согласно Годишниот интегрален план за крводарителски акции и направените консултации, се обраќаме да ги потврдиме термините за реализација на есенските крводарителски акции. Акциите ќе се одржат на 05 и 06 ноември 2024 година од 10 до 15 часот во читалната на ФЕИТ. На акциите крв може да даруваат студентите и вработените од факултетите од Кампусот во Карпош 2. Дополнителна иницијатива за овие акции доаѓа и од Инжинерското здружение МАКО СИГРЕ по повод нивниот 30 годишен јубилеј, од каде се очекуваат присутни лица за време на акцијата.
Ве замолуваме информацијата за крводарителските акции да се сподели со сите студентски собранија и да се спроведе пријавување на заинтересираните потенцијални дарители.Исто така препорака е да се направи онлине промоција на акциите на официјалните профили на социјалните мрежи и во интерните канали за комуникација помеѓу студентите.
Дополнително, најдоцна до среда, оваа недела, во дворот и објектите на Кампусот, ќе бидат поставени унифицирани информативни плакати за акцијата.
