Се доделуваат 10 стипендии на студенти запишани во прва година на прв циклус студии на ФЕИТ на Универзитетот „Св. Кирил и Методиј“ во Скопје во учебната 2024/2025 година, во категоријата редовни студенти во државна квота на факултетот, кои најдоцна до крајот на летниот семестар во учебната 2024/2025 година ќе ги положат сите испити од прва година со највисок просек.
Износот на стипендијата е во висина на партиципацијата утврдена со Конкурсот.
Стипендијата се доделува на тој начин што студентите кои се добитници на стипендија се ослободуваат од плаќање на партиципацијата во учебната 2025/2026 година.
На студентите добитници на стипендија кои го прекинале студирањето, нема да им бидат исплатени средствата од доделената стипендија.
