Од 5 до 9 октомври 2026 година, на Институтот „Јожеф Стефан“ во Љубљана, Словенија, се одржа 29. меѓународна мултиконференција „Information Society 2026“, која обедини учесници и автори од повеќе од 30 држави. На настанот, студентите од Факултетот за електротехника и информациски технологии учествуваа со три научни труда, изработени под менторство на наставници од Факултетот.
Во рамките на „Slovenian Conference on Artificial Intelligence“ беа презентирани два труда:
„Participant-Independent Prediction of Self-Reported Valence and Arousal in Virtual Reality Empathy Scenes Using EmteqPRO Sensor Data“, од студентките Викторија Пројкова, Мартина Мишкова, Кристина Китрозоска, Теодора Домазетовиќ заедно со проф д-р Христијан Ѓорески и д-р Емилија Кижевска;
„Unsupervised Clustering of Smartphone Sensor Data: Structure Discovery and Post-Hoc Transport-Mode Analysis“, од студентките Моника Стоилковска, Ангела Настовска, Резеарта Љужа, заедно со д-р Емилија Кижевска и проф д-р Христијан Ѓорески.
Двата труда беа изработени под менторство на д-р Емилија Кижевска и проф. д-р Христијан Ѓорески.
На конференцијата „Cognitive Science“, студентките Ивана Треневска и Моника Кочова го презентираа трудот:
„Statistical Analysis of Empathy in Virtual Reality: Emotional Responses and Individual Differences“, изработен под менторство на проф. д-р Катерина Хаџи-Велкова Санева, доц. д-р Јасмина Ангелевска Костадиноска и д-р Емилија Кижевска.
Учеството на мултиконференцијата им овозможи на студентките да ги претстават своите истражувања пред меѓународна научна публика, да разменат искуства и да воспостават контакти со истражувачи од различни земји. Честитки до студентките и нивните ментори за вложениот труд и за претставувањето на ФЕИТ на меѓународната научна сцена!
