Биомедицинско инженерство (22-БЕ) – 2023

Студиска програма: 22 – Биомедицинско инженерство (22-БЕ)

Траење: 1 година

Број на ЕКТС кредити: 60 ЕКТС

Услови за запишување: Завршен прв циклус на студии (академски) на сродни студиски програми во земјата и во странство

Академски назив: Магистер по електротехника и информациски технологии од областа биомедицинско инженерство

Студиската програма Биомедицинско инженерство е организирана за да им понуди на студентите широки познавања од оваа изразено мултидисциплинарна област. За квалитетно покривање на оваа разноврсност, во програмата се вклучени 11 професори од 8 научни области кои ги покрива Факултетот. Професорите доаѓаат од 5 различни институти на ФЕИТ меѓу кои 4те институти кои се носители на насоките за слаба струја: Институтот за електроника, Институтот за автоматика и системско инжинерство, Институтот за компјутерски технологии и инженерство, и Институтот за телекомуникации. Дополнително својата експертиза во мерењето на биомедицинските сигнали ќе ја даде Институтот за електрични мерења и електротехнички материјали, а Институтот за математика и физика ќе придонесе во моделирањето на електромагнетните полиња и биолошките процеси.

Студиската програма ќе придонесе за создавање и развој на стручен кадар кој ќе биде оспособен знаењата и вештините од електротехниката да ги применува во повеќе области од биомедицината. Профилот на магистри по биомедицинско инженерство ќе одговори на светскиот и домашен тренд на зголемена потреба од кадар во биомедицинското инженерство. Во оваа област се интегрирани повеќе технички научни дисциплини со хумана цел: подобрување на дијагностичките и терапевтските техники во медицината и поради тоа е во постојан раст и развој во изминатите децении.