| Основни информации за проектот | Кус опис | Улогата на УКИМ/ФЕИТ во проектот |
 |
Целта на проектот INITIATE е да овозможи институционална реформа во високообразовните институции, со цел подобрување на нивните капацитети за истражување и развој. Проектот има времетраење од 36 месеци и конзорциум кој вбројува 13 партнери од 10 земји. Во рамки на INITIATE ќе биде развиен пристап за институционална трансформација кој води сметка за институционалните потреби, достапните ресурси, националните услови и можностите за потенцијална соработка со други институции и екосистеми. Процесот подразбира итеративна имплементација на лаборатории за истражување и развој, поддржана од едукативна платформа, сѐ со цел генерирање препораки за стимулирање на истражувањето и развојот во земјите партнери во проектот. Пристапот ќе биде демонстриран во Хрватска, Португалија и Северна Македонија, со што ќе се развие патоказ за мерките што се потребни за долгорочно подобрување на условите за истражување и развој во земјите од интерес, со идентификуван потенцијал за репликација на студиите на случај. |
УКИМ/ФЕИТ е одговорен партнер за имплементирање на еден пилот проект за демонстрација на институционална трансформација преку следење на т.н. INITIATE пристапот. Институционалната трансформација треба да придонесе за подобрување на научната извонредност на УКИМ/ФЕИТ, зајакнување на нејзините истражувачки капацитети, подобрување на меѓународното вмрежување и зајакнување на позиционираноста во иновацискиот екосистем.
Раководител: проф. д-р Димитар Ташковски
|
| Подобрување на европско истражување и развој преку соработка и институционална трансформација | ||
| Supporting European R&I Through stakeholder collaboration and institutional reform (INITIATE) | ||
| Времетраење:
01.02.2024 – 31.07.2027
Програма: Horizon Europe HORIZON-WIDERA-2023-ACCESS-03-01: European Excellence Initiative |
||
 |
Целта на проектот EvolvEV е да ги подигне техничките и претприемничките капацитети на студентите и младите инженери во областа на електричните возила, преку развивање на бесплатни, флексибилни, модуларни и целно-ориентирани курсеви кои ќе ги насочат студентите кон развој на нови бизнис идеи. Проектот се јавува во пресрет на заложбите на Европската Унија за декарбонизација на транспортниот сектор, воспоставени со усвојување на забраната за производство на автомобили и комбиња што имаат издувни гасови после 2035 година. Истовремено, проектот има за цел да придонесе за намалување на јазот на знаења и вештини меѓу Европа и Азија, од една страна и меѓу Југоисточна Европа и Западна Европа од друга страна. Покрај платформата за електронско учење, придонес кон подигнување на техничките и претприемничките капацитети ќе се даде и преку работилници од меѓународни експерти. Знаењето пренесено преку платформата за електронско учење и работилниците ќе им служи на студентите како основа за изработка на иновативни бизнис планови. Во рамки на проектот ќе бидат формирани тимови кои, во консултација со меѓународен панел на експерти ќе работат на развивање на бизнис планови. На крај на проектот ќе бидат организирани национални и интернационални натпревари на кои тимовите ќе ги презентираат своите идеи пред панел експерти. Преку овие активности, проектот адресира една главна цел за борба против климатските промени и две специфични цели и тоа: стимулирање на иновативни практики за учење и предавање и поддршка на дигитални зелени вештини во областа на високото образование. | УКИМ/ФЕИТ е одговорен за креирање на дел од материјалите за едукативната платформа и за координација на активностите поврзани со дисеминација и експлоатација на проектните резултати, како што се организација на работилници, промотивни настани и создавање на стратегија за одржливост.
Раководител: доц. д-р Владимир Ѓоргиевски |
| Поддршка на еволутивната експанзија на техничко и претприемничко знаења за електрични возила | ||
| Supporting the evolutive expansion of technical and entrepreneurial knowledge sets for electric vehicle technologies – EvolvEV | ||
| Времетраење:
01.12.2023 – 30.11.2025
Програма: ERASMUS+ Programme, Key Action 2-Cooperation Partnerships |
||
|
|
Целта на проектот е да се развијат материјали и алатки кои го поддржуваат образованието на различни целни групи во областа на искористување на обновливите извори на енергија, циркуларна економија и одржлив развој. При тоа, настојувањата се фокусирани кон поддршка на целите на европскиот Зелен договор, односно обезбедување одржливо и сигурно снабдување со електрична енергија под пазарни услови. Во рамките на проектот ќе се развијат материјали за учење кои ќе бидат насочени кон целни групи во класичното образование, а кои ќе се темелат на добрите практики и искуствата на учесниците во проектот. Во процесот ќе се води сметка за воведување на интердисциплинарен и иновативен пристап во начинот на пренесување на знаењата, земајќи ги предвид можностите на современите технологии, но и обезбедувајќи слободен пристап до развиените материјали за сите заинтересирани. Исто така, во рамките на проектот ќе се развијат и материјали за надградба на знаењата на инженерите, но и на вработените во секторот енергетика кои немаат техничко образование, а кои неминовно ќе бидат вклучени во процесот на транзиција кон чиста енергија. Понатаму, целта е да се развијат и материјали за пошироката популација, чија основна цел ќе биде запознавање со темите поврзани со енергетската транзиција и целите на Зелениот договор. Проектот предвидува и одржување на обуки за целните групи. Во рамки на обуките ќе се користат развиените материјали, но истовремено, ќе се добие повратна информација за ефективноста на обуките. Ќе се води сметка за одржливоста на процесот и можноста за користење на овие материјали и по завршувањето на проектот преку одржување на веб платформата развиена во рамки на проектот.
|
Тимот на УКИМ/ФЕИТ има значајна улога во овој проект, како раководител на пакет активности и учесник во низа задачи предвидени во рамките на проектот. Имајќи ја предвид традиционалната соработка со индустријата, тимот има значајна улога во подготовка на материјали за унапредувања на знаењата и вештините на инженерите и другите професионалци во индустријата, развој на пакет материјали за учење во рамки на високото образование и учество во обуките кои се организираат во рамки на проектот.
Раководител: вонр. проф. д-р Петар Крстевски |
| Транзиција до одржлива иднина преку обука и образование | ||
| TRANSITion to sustainable future through training and education (TRANSIT) | ||
| Времетраење:
01.10.2022-30.09.2025
Програма: HORIZON-CL5-2021-D3-02-02 Sustainable, secure and competitive energy supply – Sustainability and educational aspects for renewable energy and renewable fuel technologies |
||
 |
Целта на проектот е да се развијат и применат множество алатки (продукти) и мерки кои ќе придонесат за подобрување на доверливоста, отпорноста и одбраната на ЕЕС во услови на појава на временски и други непогоди, како и ризици чиј причинител е човечкиот фактор. Искуствата од водењето, управувањето и одржувањето на ЕЕС покажуваат дека се зголемуваат потребите од примена на напредни алатки и мерки за заштита кои би ги минимизирале потенцијалните ризици, особено за работата на операторите на преносните и дистрибутивните системи. Со приклучување на сè поголем број дисперзирани производни единици во дистрибутивните мрежи, значително се менуваат и принципите на работа, водење и одржување на овие мрежи, што поставува нови, построги критериуми во одржувањето и водењето на овие системи, како и во зголемувањето на можностите за следење на нивната работа во реално време. За да се одговори на овие предизвици, проектот предвидува развој на посебни алатки: 1) Систем за управување со податоци и ресурси развиен врз база на блокчеин технологија; 2) Систем за управување со ризици; 3) Платформа за интеракција меѓу ОПС и ОДС и одбрана на системите; 4) Систем за одржување на интегритетот на мрежата. Сите овие алатки ќе бидат развиени и тестирани во соработка помеѓу технолошки компании, ОДС, ОПС, регионален координатор за сигурност на ЕЕС и партнерите кои припаѓаат на академската заедница. На овој начин, проектот ќе овозможи опфат на сите сегменти од ЕЕС и ќе креира алатки и мерки кои ќе бидат применливи во различните сегменти на ЕЕС. При развојот на алатките, ќе бидат земени предвид и регулаторните рамки, стандардите и бизнис моделите за да се овозможи нивна понатамошна примена.
|
Тимот на УКИМ/ФЕИТ има значајна улога во овој проект, најпрво преку идентификација на можните предизвици во примена на развиените алатки и развивање препораки за нивно надминување. Тимот работи на истражување на можните ограничувања на примената на продуктите кои произлегуваат од правната рамка во електроенергетскиот сектор и техничките ограничувања поврзани со примена на релевантните стандарди. Од овие истражувања треба да произлезат конкретни препораки за можна широка примена на продуктите развиени во проектот.
проф. д-р Александра Крколева Матеска |
| Технологии за доверливост, отпорност и одбрана на мрежата | ||
| Reliability, Resilience and Defense technology for the grid (R2D2) | ||
| Времетраење:
01.10.2022-30.09.2025
Програма: HORIZON-CL5-2021-D3-02-07 Innovation Action |
||
 |
Во проектот IDEA-East Hub, Универзитетот за применети науки Анхалт, Германија заедно со Универзитети од Казахстан, Узбекистан, Украина, и С. Македонија предлага концепт за Меѓународен иновациски центар за наука за податоци и обновлива енергија – Исток (IDEA-East Hub). Овој центар би додал импулс за интернационалзизација на Универзитетите партнери со што може да се обезбеди стабилизација на капацитетите и меѓународната видливот на универзитетите преку интензивна дигитална соработка преку взаемно координирани програми за обуки, студиски програми и зголемена размена на студенти и наставен кадар, со цел ефикасно и ефективно да се промовираат иновациите во образованието и истражувачките активности. Натпреварите и форумите за иновации, обуката за иновации и придружните мерки за континуирано образование одржливо ќе ги вклучат сите целни групи на проектот во процесот на интернационализација и ќе ја зголемат конкурентноста на универзитетите. Целта е, исто така, да се постават основите и мерките на програмата во стратегијата на универзитетите за интернационализација 2025-2031 година и на тој начин да се пренесат одржливо во широчината на универзитетот. Проектот IDEA-EAST Hub нуди можност да се привлечат идни млади научници и истражувачи на универзитетите и да се поврзат силни партнери со цел да се зголеми конкурентноста во меѓународните академски и истражувачки проекти. Центарот на проектот, Универзитетот Анхалт, одржува интензивни контакти во сите региони од своето основање и редовно спроведува студентска и академска размена. Ова се реализира, меѓу другото, со средства од програмите ERASMUS+ (KA 107), Источни партнерства и студиски стажирање (и двете DAAD), како и од различни истражувачки фондови во областите на обновливите извори на енергија, науката за податоци и IIoT. Употребата на дигиталните медиуми во иновативните процеси и во меѓународната соработка е веќе применета, на пример во обуката за јазици користејќи ја платформата Rosetta Stone. Платформите за дигитална соработка Zoom и Webex интензивно се користат за транснационални семинари и конференции, како и за организација на натпревари за иновации со Украина. Платформата за дигитална соработка IDEA-East ќе ги однесе овие платформи во нова димензија и ќе ги здружи со други дигитални понуди за сите партнери. Проектот предвидува и голема мобилност на наставен и истражувачки кадар (докторанди) и студенти, едукациски, како и патувања за запознавање и размена на културни вредности. Во рамките на проектот би биле овозможени и курсеви за германски и англиски јазик преку онлајн платформата Rosetta Stone, со можност за стекнување со соодветен јазичен сертификат (поддржан од страна на Универзитет Анхалт). Овие курсеви би биле на располагање на поканети истражувачи и студенти вклучени во проектот или на заедничките студиски програми на втор циклус студии.
|
Организација и учество на конференции, работилници, заеднички подготовки на дигитални платформи за соработка, како и подготовка на дигитални публикации и извештаи.
Мобилност на наставен и истражувачки кадар (докторанди) и студенти, едукациски, како и патувања за запознавање и размена на културни вредности.
Раководител: проф. д-р Марија Календар
|
| IDEA-East Hub: Меѓународен иновациски центар за наука за податоци и обновлива енергија – Исток | ||
| IDEA-East Hub: International Innovation Hub for Data Science and renewable Energy – East (IDEA-East Hub) | ||
| Времетраење:
01.01.2022 – 31.12.2025
Програма: DAAD-Deutscher Akademischer Austauschdienst, Germany, Internationalisierung der Hochschulen für angewandte wissenschaften/ Fachhochschulen (HAW/FH) HAW.International (Module A und B), Germany |
||
 |
Вселенската технологија е секоја напредна технологија која се употребува во вселената, вклучувајќи вселенски возила, како што се вселенски летала, сателити, вселенски станици и орбитални возила за лансирање; комуникација во длабока вселена; погон во вселената; и широк спектар на други технологии како што е соодветна опремата и процедури за употреба во вселената. Иако вселенската технологија брзо напредуваше во последниве години, европските земји сè уште немаат човечки, технички и финансиски ресурси потребни за спроведување ниту на најосновните активности поврзани со вселената, како што се метеорологијата, комуникациите и управувањето со природните ресурси. Затоа, европското високо образование на своите студенти треба да им развие можност за пристап до „вселенско образование“. Проектот SpaceEdu нуди можност за развој на иновативно, инклузивно и одржливо „вселенско образование“ низ цела Европа. Има за цел да формира партнерство кое ќе ја поттикне и поддржи употребата на вселенските технологии како инспиративен контекст за настава и учење со тоа што ќе ги адресира неопходните вештини во европскиот вселенски сектор и ќе ја подобри свеста за вселенската програма на ЕУ. Проектот ќе развие и испорача наставни материјали потребни за вселенско образование на кое било ниво на образовниот систем. Соработката на четири европски партнери кои работат во различни области ќе го премости јазот помеѓу различните дисциплини на вселенската наука. Професорите и постарите истражувачи ќе ги применат своите наставни и истражувачки искуства и практики за преобликување на вселенското образование во Европа. Еден од главните резултати на SpaceEdu е да се вградат иновативни образовни методи и материјали базирана на EdTech за вселенски студии. Ќе се организираат годишни конференции во областа на вселенската наука и технологија со цел да се промовираат и адаптираат вселенските студии на сите нивоа на националните образовни системи. |
Тимот на УКИМ/ФЕИТ првенствено се фокусира на воведување на сателитски и длабоки вселенски комуникации во платформата за вселенско образование. Ќе ги идентификува потенцијалните теми од областа на сателитски и длабоки вселенски комуникации и ќе развие соодветни курсеви за преобликување на образованието за вселенски науки и технологии во образовниот простор на УКИМ и другите партнерски институции/универзитети. Студентската заедница на УКИМ/ФЕИТ ќе биде вклучена во курсеви за вселенска наука и вселенски технологии преку учество во Летната школа „Вселена и технологија за сите“.
Раководител: проф. д-р Зоран Хаџи-Велков |
| Преобликување на иднината на вселенското образование преку мултидисциплинарни, инклузивни и одржливи активности за учење и предавање | ||
| Reshaping the future of space education via multidisciplinary, inclusive, and sustainable learning and teaching activities (SpaceEdu) | ||
| Времетраење:
28.02.2022-27.02.2025
Програма: Erasmus+ |
||
 |
Стимулирање на пазарно прифаќање и дејствување кон зголемување на побарувачката на енергетски вештини во градежништвото преку иновативен 3В пристап (активности за зголемување на Видливоста, Валидацијата и Вредноста на вештините). Македонија ја хармонизираше својата политика за енергетска ефикасност со Европското законодавство и има воспоставено национални цели за заштеда на енергија до 2030 година. Во градежниот сектор беа преземени подготвителни активности во рамките на првиот и вториот проектен циклус: BuildUpSkills I, каде беа дефинирани моментната ситуација и потребите за квалификувани градежни работници, како утврдени приоритетните мерки кои треба да се спроведат, како и бариерите кои треба да се надминат; додека во Build Up Skills BEET, беа воведени нови квалификации поврзани со ЕЕ и примена на ОИЕ во згради. Следниот проект TRAINEE освен градежните работници, ги вклучуваше и градежните професионалци со повисоко ниво на квалификации. Проектот SEEtheSkills претставува надоврзување на претходните проекти од иницијативата. Главната цел на проектот е делување кон стимулирање на побарувачката на енергетски вештини во градежниот сектор преку иновативен 3В пристап. Користејќи ги претходно развиените и новите или надградени енергетски вештини, проектот има за цел да се зголеми нивната видливост и достапност на пазарот, како и да овозможи нивно меѓусебно препознавање во земјите-партнери, но и пошироко. 3В пристапот вклучува видливост на вештините преку формирање на интегрирана база на податоци на енергетски вештини; валидација на енергетските вештини правејќи ги споредливи во областа на проектот за менаџирање на знаењето и вештините и преку трансфер и репликација на тренинг шеми помеѓу партнерите во проектот; и зголемување на вредноста на вештините преку изразување на придобивките од употреба на енергетските вештини за постигнување на одржливост на градбите. Специфични цели се: 1) Зголемување на видливоста на вештините преку формирање на регистер на енергетски вештини кој ќе содржи податоци од различни извори; 2) Валидација на релевантноста на вештините преку поврзување и рангирање на вештините и нивно поврзување со националните и Европските квалификациони стандарди, со цел да се овозможи меѓусебно препознавање; 3) Изразување на вредноста на енергетските вештини за сертифицираните професионалци и за компаниите.
|
Факултетот за електротехника и информациски технологии е дел од интернационален конзорциум со 10 партнери, кој има активен удел во сите фази на проектот:
– фазата на подготовка и аплицирање, – трансфер на методологијата за препознавање на претходното учење, – дефинирање на процедура и критериуми за меѓусебно препознавање, споредба и рангирање на вештините за енергетска ефикасност, базирано на дефинирани квалификациони стандарди, – ставање во употреба на електронска алатка за препознавање на претходното учење, – оформување на концепт за вреднување на вештините за одржлива енергија преку индивидуални дигитални беџови.
Раководител: проф. д-р Христина Спасевска |
| Одржливи енергетски вештини во градежништвото: видливи, валидирани, вредни | ||
| Sustainable EnErgy Skills in construction: Visible, Validated, Valuable (SEEtheSkills) | ||
| Времетраење:
01.06.2021-31.05.2024
Програма: Horizon 2020. Secure, clean and efficient energy LC-SC3-B4E-2-2020 |
||
| Времетраење:
21.10.2021 -20.10.2024 Програма: НАТО програма, Наука за мир и безбедност |
Напредни ГПР имиџинг техники базирани на УАВ за детекција на експлозиви |
проф. д-р Венцеслав Кафеџиски |
