Електротехника и информациски технологии

Студиска програма: Електротехника и информациски технологии

Траење: 3 години

Број на ЕКТС кредити: 180 ЕКТС

Услови за запишување:  На студиската програма на докторските студии по електротехника и информациски технологии имаат право за запишување лица кои:

• завршиле втор циклус студии по електротехника и информациски технологии, организирани согласно европскиот кредит трансфер систем (ЕКТС). При запишувањето, предност имаат студентите кои завршиле соодветно насочување на вториот циклус на студии, релевантно за областа на истражување;
• завршени постдипломски студии по студиската програма пред воведувањето на ЕКТС системот, на кои им се признаваат 60 кредити од обуката за истражување и едукација;
• оствариле просечен успех од сите предмети од предходното обра зование, од најмалку 8,00. За кандидатите кои не го исполнуваат овој услов, Советот на студиската програма утврдува дополнителни критериуми за запишување;
• завршиле втор циклус на други технички факултети (Машински, Технолошко-металуршки, Градежен, и сл.), кои во својата работна биографија имаат значителни остварувања од областа на докторските студии, го исполнуваат условот за просек од студиите;
• завршиле втор циклус на други факултети (природно-математички, биотехнички, физички, хемиски, и слични науки), а кои во својата работна биографија имаат остварувања од областа на докторските студии, го исполнуваат условот за просек од студиите и за кои Советот на студиската програма, ќе одлучи да ја прифати апликацијата за докторските студии по електротехника и информациски технологии

Академски назив: Доктор на науки од областа на електротехника и информациски технологии

Целта на студиската програма  е да им овозможи на идните студенти највисок степен на образование и стекнување највисоки компетенции во областа електротехника и информациски технологии. По завршување на докторските студии на предложената студиска програма, докторите на науки од областите на електротехника и информациски технологии ќе бидат оспособени со генерални и специфични компетенции.

Генералните компетенции кои ќе ги стекнат се следните:

• Способност за документирање на научните истражувања
• Способност за работа во научно-истражувачки тимови
• Способност за работа во интередисциплинарни тимови
• Способност за анализа на научни и стручни проблеми
• Способност за синтеза и развој на решенија
• Способност за примена на знаењето во пракса
• Способност за применување на научно-истражувачки постапки и методи
• Можност за синтетизирање на знаење и учење
• Способност за критичко мислење
• Способност за генерирање на нови идеи и решенија
• Познавање на научната етика
• Способност за презентирање на научни истражувачки резултати Студентите на оваа студиска програма како идни доктори во научните подрачја  на  техничко-технолошки  науки  во  полето  на  истражување  од електротехника и информациски технологии ќе бидат оспособени за истражувачка работа и за работа на проектни активности, при што тимски и самостојно ќе можат да ги елаборираат и презентираат резултатите од својата работа. При образованието на третиот циклус студии, ќе се посветува внимание на развој на способности за тимска работа и развој на професионалната и деловна етика.

Во зависност од областа на истражување, која се реализира во областите на истражување по електротехника и информациски технологии специфичните компетенции кои ќе се стекнат се следните:

• Експертско познавање на областите изучувани преку предметните програми;
• Водење научни и развојни истражувања во областа;
• Проектирање на нови производи и нови технологии;
• Управување и проектирање на инженерски процеси;
• Способност за управување со функциите во компанијата и нивна интеграција;
• Способност за генерирање на иновативни пристапи;
• Решавање на практични проблеми со употреба на научни методи и постапки;
• Вршење консултантски услуги поврзани со проектирање и инженеринг на производите/процесите;
• Способност за поврзување на теоретските знаења со нивна практична примена во изучувани области за инженерските процеси во компаниите;
• Владеење со истражувачки методи и способност да ги применат во пракса.

Со завршувањето на докторските студии на студиската програма електротехника и информациски технологии, докторите на науки ќе бидат оспо- собени за работа на следниве работни места:

• Наставници во високообразовни установи;
• Истражувачи во научноистражувачки центри;
• Истражувачи во развојни и лабораториски центри во индустријата;
• Истражувачи и менаџери во јавниот и приватниот сектор.

Семестар	Код	Тип на предмет/активност	Назив на предмет/активност	ЕКТС	Припадност согласно ЗВО
Трети	3.1.	Задолжителен	Предлог-докторски проект	27	Независен  истражувачки проект под менторство (докторски проект)
	3.2.	Задолжителен	Прв докторски семинар	3	Предавања и друг вид на  комуникациски активности
			Вкупно	30

Семестар	Код	Тип на предмет/активност	Назив на предмет/активност	ЕКТС	Припадност согласно ЗВО
Четврти	4.1.	Задолжителен	Изработка на докторскиот труд	20	Изработка и јавна одбрана на докторскиот труд врз основа на докторскиот  проект
	4.2.	Задолжителен	Меѓународна мобилност	6	Меѓународна мобилност
	4.3.	Задолжителен	Втора годишна конференција	4	Предавања и друг вид на комуникациски активности
			Вкупно	30

Семестар	Код	Тип на предмет/активност	Назив на предмет/активност	ЕКТС	Припадност согласно ЗВО
Петти	5.1	Задолжителен	Активности за објавувањето на два труда во референтна научна публикација	20	Објавување во референтни научни публикации и активно учество на меѓународни собири во врска со докторскиот труд
	5.2.	Задолжителен	Учество на меѓународен собир	7	Објавување во референтни научни публикации и активно учество на меѓународни собири во врска со докторскиот труд
	5.3.	Задолжителен	Втор докторски семинар	3	Предавања и друг вид накомуникациски активности
			Вкупно	30

Семестар	Код	Тип на предмет/активност	Назив на предмет/активност	ЕКТС	Припадност согласно ЗВО
Шести	6.1.	Задолжителен	Трета годишна конференција	4	Предавања и друг вид на комуникациски активности
	6.2.	Задолжителен	Одбрана на докторскиот труд	26	Изработка и јавна одбрана на докторскиот труд врз основа на докторскиот проект
			Вкупно	30