Универзитетот „Св. Кирил и Методиј“ во Скопје и оваа година традиционално го организира свечениот настан по повод почетокот на новата академска 2025/2026 година.
Првиот академски час ќе се одржи на 1 октомври 2025 година (среда), со почеток во 10:00 часот, на платото кај споменикот на светите Кирил и Методиј. Настанот има за цел да ги обедини сите бруцоши и целата академска заедница на едно место.
Програмата ќе опфати:
- свечени обраќања,
- културно-уметнички настапи,
- информативна сесија на Универзитетското студентско собрание во соработка со „Студентарија“,
- можности за вмрежување,
- забавен дел.
Во прилог Ви ја доставуваме официјалната покана и Ве молиме да ја дистрибуирате до новозапишаните студенти, факултетските собранија, наставно-научниот кадар и сите вработени.
Да им посакаме заедно топло добредојде на бруцошите и да ја започнеме академската година со дружење и заедништво!
Ве очекуваме!
Универзитет „Св. Кирил и Методиј“ во Скопје
