Основи на договорно и на потрошувачко право

(единица, односно институт, катедра, оддел)

Цел на предметната програма основи на договорно право и на потрошувачко право е да им овозможи на студентите да се стекнат со основни знаења за договорите, како средство за остварување на прометот со стоки и услуги, и за заштитата на потрошувачите. Посебно внимание ќе се посвети на договорите со кои се уредуваат односите во сферата на енергетиката, електронските комуникации и сообраќајот, како и заштитата на потрошувачите во овие договори.  Преку оваа програма студентите ќе се оспособат:  – самостојно да ги идентификуваат и критички да ги анализираат основните концепти на договорното право,  – да развиваат вештини за примена на стекнатите знаења во практиката при склучување договори, успешна реализација на договорите и решавање на споровите кои ќе произлезат од договори,  – да ги идентификуваат правата на потрошувачите и механизмите за нивна заштита.

Предметот има за цел да ги запознае студентите со  уредувањето на договорите и на правата на потрошувачите во Република Македонија и во Европската унија. Предметот се занимава со основните правила кои се однесуваат на договорите воопшто, како и на специфичното домашно законодавство и меѓународните договорни правила и стандарди кои се однесуваат на посебните видови договори. Особен акцент ќе се стави на начелата на европското договорно право (Ландо Начела), Виенската конвенција за меѓународна продажба за добра, UNIDROIT начелата за меѓународни трговски договори, како и на бројните конвенции чија содржина се однесува на посебни видови договори. Истовремено, ќе се обрне внимание на практичните аспекти на склучувањето на договорите и нивното исполнување, споровите што може да произлезат и начините за нивно разрешување. Предметот, оттаму, ги опфаќа практичните аспекти на договорите и нивните специфичности. Особено внимание ќе се обрне на улогата на посебните видови  договори во домашниот и во меѓународниот промет. При тоа посебен акцент ќе се даде на договорите кои се релевантни за сферата на  енергетиката, електронските комуникации и сообраќајот. Со оглед на посебното значење што овие договори го имаат за потрошувачите во рамките на предметната програма ќе се обработат и нивните права како купувачи на стоки односно корисници на услуги. Во рамките на програмата ќе се идентификуваат основните права на потрошувачите и начините на нивно остварување и заштита. Во тие рамки особено ќе се обрне  внимание на правата на потрошувачите како корисници на  услуги, од една страна, и обврските на давателите на услуги од друга страна. Овие прашања ќе бидат разгледани од аспект на нивното уредување во домашното и во правото на Европската унија.

Наставата ќе се изведува преку интерактивни предавања, практични вежби, симулации и анализа на случаи, видео-презентации, играње улоги итн.

број

број