Краток опис
Факултетот за електротехника и информациски технологии (ФЕИТ) е дел од проектот EvolvEV. Проектот треба да започне на 1 декември 2023 година и во текот на следните две години ќе го поддржи развојот на техничките и претприемачките вештини потребни за еволуцијата на секторот на електрични возила, преку обезбедување бесплатни и флексибилни курсеви, поддржани со микрокреденцијали, развиени во координација со индустријата. Проектот, финансиран од програмата Еразмус+, ќе им овозможи на студентите од ФЕИТ, како и на експертите од индустријата, да добијат нови знаења и да ги унапредат своите вештини во согласност со потребите на предизвиците што ги носи тековната електрификација на транспортниот сектор.
Цели на проектот
- Развивање на заеднички образовни модули посветени на теми релевантни за електричните возила и претприемништвото, развиени во координација со индустриските партнери,
- Овозможување далечински, дигитален пристап до две виртуелни лаборатории (една за унапредување на техничките вештини и друга за развој на претприемачки идеи),
- Поддржување на претприемништвото и иновациите преку бесплатни менторски сесии, работилници и натпревари,
- Обезбедување одржливост на проектните цели преку институционализирање на образовната програма и создавање мрежа на соработници.
Партнери
- Универзитет на Западна Македонија
- Универзитет „Св. Кирил и Методиј“ во Скопје
- Универзитет во Нови Сад
- Технички Универзитет на Клуж-Напока
