Објавуваме информација за петтиот меѓународен натпревар за Европска награда за истражување „Станислав Лем“, организиран од Технолошкиот универзитет во Вроцлав. Натпреварот е наменет за млади научници (до 40 години) кои во последните три години направиле значајно откритие или постигнале извонредни резултати во областа на техничките науки во најширока смисла.
Европска награда за истражување „Станислав Лем“
Конкурс за 2025 година
Ги покануваме младите научници да учествуваат на меѓународниот натпревар за Европската награда за истражување „Станислав Лем“, организиран од Технолошкиот универзитет во Вроцлав.
Натпреварот е отворен за млади научници до 40 години (родени во 1985 година или подоцна), кои работат/се поврзани со универзитет или истражувачки центар од земја членка на ЕУ или асоцирана преку програмата Horizon, како и од Швајцарија.
Наградата се доделува за неодамнешно откритие или значајно достигнување во последните 3 години во области на науката и инженерството во најширока смисла, кое содржи значајни елементи на технологија, интердисциплинарност, креативност и визија.
Апликацијата (со приложени 2-3 писма за препорака и најмногу 3 публикации) треба да се поднесе електронски најдоцна до 30 септември 2025 година преку електронска пошта, на следната адреса: lemprize@pwr.edu.pl.
Апликациите мора да бидат потпишани и поднесени од страна на кандидатите. Препорачливо е да се приложи и кратка биографија (CV).
Победникот ќе биде објавен на 14 ноември 2025 година, за време на годишната прослава на Технолошкиот универзитет во Вроцлав.
Победникот ќе добие парична награда од 100.000 полски злоти (приближно 23.000 евра) и ќе биде поканет во Вроцлав на церемонијата за доделување на наградата „Лем“, која ќе се одржи во 2026 година. Победникот ќе треба да одржи предавање за своето откритие или достигнување.
Детални информации за натпреварот можете да најдете на: https://lemprize.pwr.edu.pl/
Сите прашања испратете ги на: lemprize@pwr.edu.pl
