Проектен менаџмент (5-ПМ)

Студиска програма: 5 – Проектен менаџмент (5-ПМ)

Траење: 1 година

Број на ЕКТС кредити: 60 ЕКТС

Услови за запишување: Завршен прв циклус на студии – академски од земјава и странство.

Академски назив: Магистер по проектен менаџмент

Студиската програма едуцира стручни лица и академски граѓани кои би сакале да ја совладаат теоријата, практиката и алатките на проектниот менаџмент со цел да ги зголемат нивните професионални и стручни потенцијали кон новите технологии и комплексните проекти во новата економска и деловна околина. Програмата нуди широк опсег на стручни и истражувачки полиња вклучувајќи електротехника во сите домени, информатичка технологија, економија, договорен менаџмент, човечки ресурси и комуникациски вештини. Стекнатото знаење и вештини ќе е од полза на нивните компании кон креативност, иновации и успешно справување со проектите. Целна група се и дипломираните студенти од I циклус (додипломски) студии на: техничките факултети, факултетите кои негуваат хуманитарни, економски и правни науки, општо менаџмент како и факултети кои изучуваат менаџмент на животна средина. Сите тие ќе можат успешно да се вклопат и ќе навлезат во практичната димензија на проектите и нивната реализација без оглед на специфичностите и областа на примена.

Проектниот менаџмент е вид на компетентност која е во големо побарување во приватните компании, јавните стопански субјекти, како и јавната администрација. Така, магистрите по проектен менаџмент имаат големи можности за работа и напредок во кариерата и тоа како:

• -проект менаџери во голем број на компании и институции,
• -менаџери на иновативни и комплексни проекти (развој на нов производ, нови услуги и нов бизнис, проекти со голема интердисциплинарност, меѓународни проекти и сл.),
• -претприемачи или бизнис консултанти, како и да остварат
• -континуитет во можни докторанти на III циклус студии.