Студиска програма: 6-Автоматика, роботика и системско инженерство (6-АРСИ)
Траење: 1 година
Број на ЕКТС кредити: 60 ЕКТС
Услови за запишување: Завршен прв циклус студии (академски) на сродни студиски програми во земјата и во странство.
Академски назив: Магистер по електротехника и информациски технологии од областа автоматика, роботика и системско инженерство
Вториот циклус на студии по автоматика, роботика и системско инженерство има за цел да образува специјалисти кои ќе можат да ја понесат техничката и економската одговорност на проектирање, развој користење и одржување на комплексни роботски и интелигентни системи во нашето општество. Оваа програма нуди опсег на области од процесната индустрија, роботиката и компјутерското инженерство. Исто така, дава одлична подготовка за оние кои сакаат својот работен ангажман да го посветат на апликации во научно-истражувачка работа во некоја институција од ваков вид. Програмата е наменета за студенти со соодветен степен на квалификации, кои сакаат да ги зголемат своите можности за вработување во компании кои се бават со проектирање и примена на управувачки системи, реализирани софтверски или хардверски, студенти кои тежнеат да се здобијат со продлабочено теориско знаење и квалификации потребни за успешно проучување и работење со модерни и напреднати техники на управување и водење на комплексни системи, вработени во фирми кои применуваат разни видови на управувачки системи, а кои имаат потреба од формални квалификациии и сакаат да го прошират своето знаење во најразлични полиња на примена на овие системи, инженери од индустријата, проектанти на управувачки системи, планери и менаџери во стопанството кои тежнеат кон продлабочено разбирање на сегашните, нови и модерни пристапи во компјутерското системско инженерство и имаат амбиција за примена на истите со цел да се постигне повисока автоматизација и поголем квалитет и профит.
По завршувањето на оваа студиска програма кандидатите ќе можат: да ги имплементираат техниките на управување и компјутерски инженеринг во области од техничките науки, медицина, менаџмент и друго; да ги применуваат техниките на машинско учење при креирање на интелигентни системи и веб базирани апликации; да ги применуваат методите за обработка на говор и јазик; да развиваат нови области на примена и усовршување на постоечките; да покажат разбирање за теориските проблеми во моделирање, симулација, управување и водење на системи и процеси; да се здобијат со соодветна оспособеност за решавање на практични проблеми во сите домени на примена на автоматизацијата и компјутерското инженерство; да покажат знаење и оспособеност за следење на моментна состојба во истражувањата и вклучување и прилагодливост за тимска работа во актуелни интердисциплинарни области и специфични области.
| Семестар 1 | ||||
| Задолжителни предмети | ||||
| Шифра | Предмет | Кредити | Фонд | Вкупен расположив фонд на време (часови) |
| Програмата нема задолжителни предмети | ||||
| Изборен предмет 1 | 6 | 3+0+0+3 | 180 | |
| Изборен предмет 2 | 6 | 3+0+0+3 | 180 | |
| Изборен предмет 3 | 6 | 3+0+0+3 | 180 | |
| Изборен предмет 4 | 6 | 3+0+0+3 | 180 | |
| Изборен предмет 5 | 6 | 3+0+0+3 | 180 | |
| Вкупно | 30 | 15+0+0+15 | 900 | |
| Изборни предмети | ||||
| Шифра | Предмет | Кредити | Фонд | |
| 3ФЕИТ01016 | Современи мехатронички системи | 6 | 3+0+0+3 | 180 |
| 3ФЕИТ01010 | Напредни ПЛУ интегрирани системи за автоматизација | 6 | 3+0+0+3 | 180 |
| 3ФЕИТ01003 | Вмрежени системи за управување и управување во реално време | 6 | 3+0+0+3 | 180 |
| 3ФЕИТ01007 | Компјутациона интелигенција | 6 | 3+0+0+3 | 180 |
| 3ФЕИТ01012 | ПИД управувачи: теорија, проектирање и нагодување | 6 | 3+0+0+3 | 180 |
| 3ФЕИТ01013 | Превклучувачки динамички системи | 6 | 3+0+0+3 | 180 |
| 3ФЕИТ01004 | Идентификација и естимација | 6 | 3+0+0+3 | 180 |
| 3ФЕИТ01006 | Интелегентно управување во современата роботика | 6 | 3+0+0+3 | 180 |
| 3ФЕИТ01002 | Вештачка интелигенција | 6 | 3+0+0+3 | 180 |
| 3ФЕИТ01009 | Мобилна роботика | 6 | 3+0+0+3 | 180 |
| 3ФЕИТ01018 | Управување со предвидување базирано на модел | 6 | 3+0+0+3 | 180 |
| 3ФЕИТ01015 | Проектирање на управувачки системи и изработка на техничка документација | 6 | 3+0+0+3 | 180 |
| 3ФЕИТ01005 | Индустриски Интернет на нештата | 6 | 3+0+0+3 | 180 |
| 3ФЕИТ01011 | Оптимално и робустно управување | 6 | 3+0+0+3 | 180 |
| 3ФЕИТ01014 | Применети дискретно-настански системи | 6 | 3+0+0+3 | 180 |
| 3ФЕИТ02022 | Специјални електрични машини и нивно управување | 180 | ||
| 3ФЕИТ05026 | Современи микроконтролери за проектирање вградливи системи | 6 | 3+0+0+3 | 180 |
| Семестар 2 | ||||
| Задолжителни предмети | ||||
| Шифра | Предмет | Кредити | Фонд | Вкупен расположив фонд на време (часови) |
| 3ФЕИТ00 | Магистерска работа | 20 | 0+0+0+20 | 600 |
| Изборни предмети | ||||
| 3ФЕИТ06 | Истражувачки проект од областа на автоматиката, роботиката и системското инженерство | 6 | 0+0+0+6 | 180 |
| 3ФЕИТ01 | Универзитетски изборен предмет | 4 | 2+0+0+2 | 120 |
| Вкупно | 30 | 4+0+0+30 | 900 | |
