КомпетенцииДескриптори на квалификациитеIIIIIIIVVVIVIIVIIIФакултетска листа
Вид на програмата
Студиска програма од прв циклус студии, 4 години, 8 семестри, 240 ЕКТС-кредити
Образовен степен (диплома)
Дипломиран инженер по електротехника и информациски технологии од областа компјутерски технологии и инженерство
Профил
Компјутерски технологии и инженерство
Идентификација на потребите и можностите за вработување
Студиската програма обезбедува здобивање на широки знаења и флексибилни можности за вработување. Инженерски компјутерски кадар е потребен во широк спектар индустрии што проектираат компјутерски системи базирани на нови технологии со примена во многу сфери. Дипломиран компјутерски инженер од овој профил, кариерата може да ја гради во индустријата и јавниот сектор, секаде каде се проектираат, развиваат и реализираат: компјутерски комуникациски системи и услуги; комплексни дигитални системи; современи информациски системи; Интернет и мрежни системи; анализа и развој на интелигентни мрежи. Стекнатите знаења на студентите се одлична основа за продолжување на студиите во институции и/или истражувачки центри ширум светот.
Образовни компетенции на профилот
Студиската програма им овозможува на студентите да се стекнат со широки основни знаења од сите дисциплини во компјутерските технологии и инженерство, како и практични вештини за анализа, дизајн, имплементација, администрација и употреба на комплетни хардверско-софтверски компјутерски системи за различни намени. Подетално, во текот на нивните студии студентите можат да се стекнат со следните компетенции и способности за:
• Анализа, дизајн и имплементација на компјутерски архитектури и процесори за општа и специјална намена;
• Анализа, дизајн и имплементација на алгоритми и податочни структури;
• Дизајн и имплементација на бази на податоци и информациски системи;
• Познавање, дизајн, имплементација и администрација на жичани и безжични компјутерски мрежи;
• Администрација и употреба на оперативни системи, како и дизајн и имплементација на модули и драјвери за компјутерски системи, вградливи системи и мобилни уреди;
• Познавање и употреба на дистрибуирани системи, системи за пресметка со високи перформанси и системи во облак;
• Дизајн и имплементација на софтверски серверски околини и апликации (веб и мобилни);
• Дизајн и имплементација на системи на чип, вградливи системи и системи за Интернет на нештата;
• Познавање и примена на безбедност и безбедни компјутерски системи;
• Познавање и примена на наука за податоци, машинско учење и вештачка интелигенција во интелигентни системи.
Меѓународна акредитација
Студиските програми на ФЕИТ се меѓународно акредитирани од германскиот институт ASIIN, кој е светски лидер за потврда на квалитетот во високото образование. Со оваа акредитација се потврдува дека студиските програми се воспоставени според меѓунароните стандарди за квалитет и содржините кои се изучуваат се релевантни за областите кои се покриени во студиските програми.
Општи дескриптори на квалификации
| Квалификација |
Дескриптори на квалификациите |
| Знаење и разбирање |
- Покажува знаење и разбирање во научното поле на електротехниката кое се надградува врз претходното образование и обука, вклучувајќи и познавање во доменот на теоретски, практични, концептуални, компаративни и критички перспективи во научното поле според соодветна методологија.
|
| Примена на знаењето и разбирањето |
- Може да го примени знаењето и разбирањето на начин што покажува професионален пристап во работата или професијата.
- Покажува компетенции за идентификација, анализа и решавање проблеми поврзани со електротехниката.
|
| Способност за проценка |
- Способност за прибирање, анализирање, оценување и презентирање информации, идеи, концепти од релевантни податоци.
- Донесување соодветна проценка земајќи ги предвид личните, општествените, научните и етичките аспекти.
|
| Комуникациски вештини |
- Способност да комуницира и дискутира, и со стручната, и со нестручната јавност, за информации, идеи, проблеми и решенија кога критериумите за одлучување и опсегот на задачата се јасно дефинирани.
- Презема поделена одговорност за колективни резултати.
- Способност за независно учество, со професионален пристап, во специфични, научни и интердисциплинарни дискусии.
|
| Вештини на учење |
- Презема иницијатива да ги идентификува потребите за стекнување понатамошно знаење и учење со висок степен на независност.
|
Специфични дескриптори на квалификации
| Квалификација |
Дескриптори на квалификациите |
| Знаење и разбирање |
- Покажува знаење и разбирање во научното поле на електротехниката кое се надградува врз претходното образование и обука, вклучувајќи и познавање во доменот на теоретски, практични, концептуални, компаративни и критички перспективи во научното поле според соодветна методологија.
- Покажува знаење и разбирање за истражување, развој, проектирање, инсталирање и примена на Компјутерските технологии и инженерство во индустриски процеси при проектирање и реализација на различни видови и типови компјутерски системи за различна цел и намена, вклучувајќи ги областите: проектирање и реализација на процесори и процесорски архитектури за општа и посебна намена; проектирање и реализација на компјутерски системи за општа и посебна намена; алгоритми, структури и програмирање; анализа и проценка на перформанси, моделирање, симулации и проектирање на компоненти на компјутерски системи, компјутерски мрежи и Интернет; користење и администрирање оперативни системи; проектирање и реализација на модули и компоненти на оперативни системи за различни намени; проектирање и реализација на вградливи системи за различна намена; проектирање и реализација на различни компоненти на интелигентни мрежи и т.н.
- Стекнатите знаења се надградба на претходното образование, вклучувајќи и познавања во доменот на теоретски и практични перспективи во научното поле според соодветна методологија.
- Разбирања на областите и познавање на тековните прашања во врска со научните истражувања и новите извори на знаења.
|
| Примена на знаењето и разбирањето |
- Може да го примени знаењето и разбирањето на начин што покажува професионален пристап во работата или професијата.
- Покажува компетенции за идентификација, анализа и решавање проблеми поврзани со електротехниката.
- Поседува компетенции за идентификација, анализа и решавање на проблеми поврзани со дизајн, имплементација и практична реализација на нови решенија во сите области од инженерските компјутерски технологии.
- Способност за пронаоѓање и поткрепување аргументи во рамките на полето на студирање.
- Користење на стекнатите вештини за анализа, прибирање и обработка на информации во продолжување на своето формално образование.
|
| Способност за проценка |
- Способност за прибирање, анализирање, оценување и презентирање информации, идеи, концепти од релевантни податоци.
- Донесување соодветна проценка земајќи ги предвид личните, општествените, научните и етичките аспекти.
- Способност да одговара на теоретски и пректични прашања, да дава објаснувања за причините и да избере соодветно решение.
- Способност за анализирање, презентирање и разбирање на идеи и концепти од релевантни податоци од областа на инженерските компјутерски технологии, да препознава приоритети и идентификува отстапувања од вообичаените патишта, како и да дава објаснување за причините и да избере и реализира соодветно решение.
|
| Комуникациски вештини |
- Способност да комуницира и дискутира, и со стручната, и со нестручната јавност, за информации, идеи, проблеми и решенија кога критериумите за одлучување и опсегот на задачата се јасно дефинирани.
- Презема поделена одговорност за колективни резултати.
- Способност за независно учество, со професионален пристап, во специфични, научни и интердисциплинарни дискусии.
- Прифаќа консултации и совети, води и иницира активности и презема поделена одговорност за колективни резултати на тимот.
|
| Вештини на учење |
- Презема иницијатива за учење и професионална надградба со висок степен на независност во електротехниката и инженерските компјутерски технологии.
- Ја разбираат потребата од учење и имаат способност за постојан професионален развој, преку користење на стручна и научна литература, професионални обуки, продолжување на формалното образование, членување во професионални организации, и тн.
- Демонстрираат свесност за новите технологии и способност за евалуација и користење на современите софтверски развојни алатки.
- Користат информатички технологии за далечинско и електронско учење.
- Има развиено вештини за кооперативно, компетитивно и индивидуално учење.
- Има развиено вештини за примена на техники на активно поучување и учење.
|
| Во текот на студирањето студентот може да избере најмногу 4 предмети од Факултетската листа изборни предмети |
| Во текот на студирањето студентот може да избере најмногу 4 предмети од Факултетската листа изборни предмети |
| Во текот на студирањето студентот може да избере најмногу 4 предмети од Факултетската листа изборни предмети |
| Во текот на студирањето студентот може да избере најмногу 4 предмети од Факултетската листа изборни предмети |
| Во текот на студирањето студентот може да избере најмногу 4 предмети од Факултетската листа изборни предмети |
| Во текот на студирањето студентот може да избере најмногу 4 предмети од Факултетската листа изборни предмети |
Изборни наставни предмети на Факултетската листа изборни предмети
Во текот на студирањето студентот може да избере најмногу 4 предмети од следнава листа:
